【市場小姐有話兒】
：慶回歸
佛系男：又七一啦！全港市民熱烈慶祝回歸！
小場小姐：子華神話得最後兩個字係真架。
佛系男：唔係喎，你睇下電視，落雨落到咁啲人都出去參加慶回歸活動，大家神情都好高興。
市場小姐：我唔高興囉，咁高興就唔好呃我一日假期啦！
佛系男：今年已經過左一半，好快捱完架喇。今年係回歸左第26年，又係一半，個五十年不變都好快捱完。而家正值二次回歸，可能香港會學大陸調休，就唔使蝕假啦。
市場小姐：乜L野「二次回歸」？ （感受到蝕左一日假期既Ms Market 好有怨言）
佛系男：大灣區融合囉。以前香港作為特區有自己的發展規劃、策略，二次回歸後，香港作為大灣區的一部分，發展方向、建設、教育、人才及財富分配、甚至政制都要配合大灣區整體規劃。呢個咪係「二次回歸」囉。
市場小姐：你本拙作《美元霸權衰落時》咪好似講過咩香港要融入大灣區， 香港樓價、薪金水平都無運行？
佛系男：哇，你竟然有睇！係呀，我本書觀點認為兩地融合成功，首要係兩地人的收入水平要拉近，香港也要跟隨習大的「房住不炒」方向。
市場小姐：兩地人的收入水平要拉近？呢邊人均兩萬，對面岸人均五千。大陸經濟再掂都有排追啦？
佛系男：你講得對呀，所以香港米要停低遷就內陸步伐。近排港府推出左林林總總的吸引人才計劃，呢班人咁抵請，咁香港啲僱主仲點捨得加人工畀你地班陀地呀？近十年八年用IANG來港的年輕優才一般家底環境唔差，本身人工已經唔夠係度交租，已經唔太介意人工高低。陸續擴闊人才計劃，黎緊各個行業都有新勞動力，你覺得仲有可能加到人工？而家內地年輕人失業率超出兩成，今年全國新畢業生有兩千萬，單係大灣區可能已經有一二百萬。如果都湧落黎香港，香港人工點升呀？人工升唔上，香港冠絕全球的樓價收入比率仲可以維持幾耐呢？
為左畀呢班人有工開、有屋住。大西北就要開發，而家連富豪高球場都要讓路。政府帶頭降低麵粉地價，搵幾個經濟師發表偉論，定調地價低原因係高息環境，用宏觀環境來包裝自己的陽謀，一切順利成章咁向既定劇本發展。未來十年，香港平價樓宇供應將會大增。
市場小姐：真係人生如戲。
市場小姐有話兒將會在 buddhastock.com 連載更新。
コメント