top of page
搜尋

市場小姐有話兒 - 日圓

市場小姐有話兒 - 日圓




香港人最鍾意去日本,佛系男和Ms Market 也不例外,見到100日圓兌港元跌到5.4附近,幾乎係2022年10月低位,近日都心郁郁想唱Yen準備旅行之用。Ms Market作為一屆港女,梗係無執輸…


市場小姐:喂~ 啲Yen近日平左咁多,你咁得閒,又經常係港島出沒,去牛記朱記唱定多少啦,免得到出發旅行時日圓升番就唔抵啦。


佛系男:我都覺得平呀,不過Yen平左,但日本消費應該都會貴左。


市場小姐:Yen平左仲話消費貴?


佛系男:你諗下,而家全世界都講緊高通脹,只有習國出現通縮,日本最近通脹都快超過3%了,已經係幾十年來的高水平。可見日本商店都正在加價抵禦成本上升。唔止日本本土,日本出口商品都應該快要加價了。


市場小姐:日本都出現通脹?咁日本做乜唔加息?


佛系男:你估日本加息減息真係日本自己決定架咩?日本的貨幣政策決定權係美國手上架。上星期四大央行聚頭,植田和男被問到會否改變YCC政策,佢答覆話會尊重其他三位央行行長的意見。


市場小姐:日本有通脹又唔可以加息,咁通脹會唔會惡化架?


佛系男:歐美央行通過提高利率來收割新興市場的資金,對自己經濟都會造成影響,例如金融機構、企業都會更難融資,日本保持超低息量寬政策就係為歐美企業提供資金流動性。當歐美已確認成功回收資金後,日本央行就會被批準改變貨幣政策啦。


市場小姐:咁要等到幾時?


佛系男:央行行長都答唔到你,但應該就快架喇。人民幣近日弱到咁,大陸經濟又提唔起勁;日本國內居民都因為消費貴左而生活困難,可幸日本人性格溫馴,如果係法國一早就大暴動啦。


市場小姐:又話日本經濟好,咁日本人生活點會困難呀?


佛系男:日本係多左發展機會,接的訂單都多左。但企業面對高成本都未敢上調工資。而且,日本好多消費品靠進口,日圓匯率低,人工唔加、物價加,生活自然唔好。


今早已有新聞講日圓匯價弱,令外勞收入減少,很多外來勞工覺得賺唔到錢正在出走。唔止外勞,聽聞近月都多左架妹越洋到澳門賺外匯外快。到某一天勞動力供應不足,企業就會被迫加薪招聘,然後就會形成工資通脹螺旋,就好似呢一年來美國的狀況。相信呢個局面發生前,日本會提早加息、改變貨幣政策。日本作為成熟國家的資金流動性最後一根蘆葦被抽走,全球股市就要GG了。


市場小姐:等陣,你點知澳門多左架妹開工?


佛系男:我而家出去唱Yen…(…GG了)


📿原文將在 buddhastock.com 連載,連結在留言區


163 次查看0 則留言

コメント


bottom of page